దేహో దేవాలయ: ప్రోక్తో జీవ: ప్రోక్త స్సనాతన:
త్యజేదజ్ఞాన నైర్మాల్యం సోహం భావేన పూజయేత్‌”
దేహమే దేవాలయం. జీవుడు ఈశ్వర స్వరూపం.అజ్ఞానమనే నైర్మాల్యాన్ని తీసి వేసి… నీవే నేను అనే భావంతో పూజించాలి.
ఆత్మకు దేహం ఆలయమైనట్లే, ఇంటికి పూజామందిరం, ఊరికి దేవాలయం అటువంటిది, జీవంలేని దేహం, పూజామందిరంలేని ఇల్లు, దేవాలయంలేని ఊరు సమానమే.అవి అపవిత్రములే. కాబట్టి పూజచేయని ఇంటిలోఅడుగుపెట్టరాదు. దేవా లయంలేని ఊరి దారిలో పయనించరాదని, ఆఇండ్లలో, ఆ ఊళ్ళల్లో భోజనం చేయ రాదని, చివరకు పచ్చి గంగ కూడా తాగరాదని శాస్తం చెబుతున్నది.
కలియుగంలో దేవాలయ నిర్మాణమే ఇహా పర సౌఖ్యములను ఇచ్చే ఏకైక సాధనమని ఋగ్వేదం ఘోషిస్తున్నది.
అందులోనూ కులదైవ ఆలయం నిర్మాణం అత్యంత శ్రేష్టమైనది.
ఆలయాలలో దానం చేయవలసిన వస్తువులు
ఎక్కడైనా కొత్తగా దేవాలయం నిర్మిస్తే . ఆ ఆలయానికి ఏమి సాయం చేస్తే బాగుంటుందని ఆస్తికులు ఒక్కోక్కో సారి సందిగ్ధంలో పడుతుంటారు. దేవాలయానికి ఏ వస్తువు ఇస్తే ఎలాంటి పుణ్యం కలుగుతుందో పూర్తిగా వివరించి చెబుతుంది. విష్ణు ధర్మోత్తర పురాణం తృతీయ ఖండంలో మూడు వందల నలభై ఒకటో అధ్యాయం.
దేవాలయం అనేది ఒక పుణ్య వ్యవస్థ. దాని నిర్మాణ నిర్వహణలకు అందరూ సహకరిస్తేనే ఆ వ్యవస్థ చక్కగా కొనసాగుతూ ఉంటుంది. దర్శనానికి వెళ్ళిన వారికి శాంతిని ప్రసాదించేదిగానూ ఉంటుంది. అందుకే ఎవరికి చేతనైనంతలో వారు దేవాలయాలకు సహాయ సహకారాలను అందిస్తూ అవసరమైన వాటిని దానం చేయాలి అని మన పురాణాలు చెప్పుతాయి .
ఆలయ గోడలకు సున్నం వేయించడము మరియు ఆలయ ప్రాంగణాన్ని చక్కగా ఊడ్చి ముగ్గులు పెట్టి అందంగా తీర్చిదిద్దటంలాంటి శ్రమదానాలకు శ్రీమహావిష్ణులోక ప్రాప్తి లాంటి పుణ్యఫలాలను వస్తాయి అని పురాణాలు చెప్పుతాయి . ఆలయానికి శంఖాన్ని దానం చేస్తే విష్ణులోక ప్రాప్తి కలుగుతుంది. ఆ తరువాత మానవజన్మ ఎత్తాల్సి వచ్చినా కూడా కీర్తిమంతుడే అవుతాడు. గంటను దానం చేస్తే మహా గొప్ప కీర్తిని కూడా పొందుతాడు. గజ్జలను మరియు మువ్వలను ఇచ్చినవాడు సౌభాగ్యాన్ని పొందుతాడు.
చల్లదనం కోసం ఆలయ ప్రాంగణంలో పందిళ్ళు నిర్మిస్తే కీర్తి పొందటానికి మరియు ధర్మబుద్ధి కలగటానికి కారణమవుతుంది. పైన ఎగిరే పతాకాలను ఇచ్చినవాడు సకలపాపాల నుంచి విముక్తుడై వాయులోకాన్ని కూడా పొందుతాడు. ఆ పతాకాలు ఆలయానికి ఎంత శోభను కూర్చుతుంటే అంత యశస్సును దాత పొందుతాడు. చాందినీలు ఏర్పాటు చేసిన వాడు గొప్ప సుఖాలకు పాత్రుడవుతాడు. ఆలయంలో వేదికను నిర్మించి ఇచ్చినవాడు పృథ్వీపతి అవుతాడు.
మనోహరమైన కుంభాన్ని ఇచ్చినవాడు వరుణలోకాన్ని మరియు నాలుగు కలశాలను దానం ఇచ్చినవాడు నాలుగు సముద్రాల పర్యంతం ఉన్న భూమి మీద, అంతసుఖాన్ని కూడా అనుభవిస్తాడు. కమండలువును ఆలయానికిస్తే గోదాన ఫలితం దక్కుతుంది. వట్టివేళ్ళతో తయారు చేసిన చాపల లాంటివి ఇస్తే సర్వపాపాలు కూడా నశిస్తాయి. ఆలయానికి సమకూరిన గోవులను మేపటానికి గోపాలకుడిని ఇచ్చినా పాపవిముక్తే ఫలితందక్కుతుంది . చామరాలను దానం చేస్తే గొప్ప ధనప్రాప్తి కూడా కలుగుతుంది.
దేవుడికి ఆసనాన్ని సమకూరిస్తే సర్వత్రా ఉత్తమ స్థానం లభిస్తుంది. పాదపీఠ ప్రదానం ఉత్తమగతికి సోపానం. ధ్వజ సమర్పణం లోకంలో గొప్పకీర్తిని పొందటానికి కూడా వీలు కల్పిస్తుంది. దేవుడికి ముఖ లేపనాలను అంటే ముఖానికి అలంకిరంచే గంధ ద్రవ్యాలను ఇచ్చినవాడు ఉత్తమరూప సంపత్తిని పొందుతాడు. దర్పణం (అద్దం) దానం చేసినా కూడా మంచిరూపం లభిస్తుంది.
దేవుడి పరిచర్యల కోసం చిన్న చిన్న పాత్రలను ఇస్తే సర్వకామ సమృద్ధమైన యజ్ఞం చేసినంత ఫలం దక్కుతుంది. ధ్యానం, సశ్యాలు, బీజాలు మరియు బంగారం, వెండి, ఇతర లోహాలు ఇచ్చినవాడు పుణ్య ఫలితాన్ని పొందుతాడు. వెండి మంచి రూపానికి మరియు బంగారం సర్వకోరికలు సిద్ధించటానికి దానం చేస్తుంటారు. పాడి ఆవును ఇస్తే గోలోకప్రాప్తి మరియు బండిని లాగేఎద్దునిస్తే అంతకు పదింతలు పుణ్యఫలం కూడా లభిస్తాయి. మేకలు, గొర్రెలు మరియు బర్రెలు, దున్నలు, ఒంటెలు, కంచరగాడిదలు లాంటివి ప్రదానం చేస్తే మామూలు ద్రవ్య దాన ఫలం కన్నా వేయింతల ఫలం కూడా లభిస్తుంది.
వన్యమృగాలు మరియు పక్షులదానం అగ్నిష్ఠోమయాగ ఫలితాన్ని కూడా ఇస్తుంది. పచ్చని పతాకాలతో కూడిన గరుడ ధ్వజాన్నిస్తే ఇంద్రలోకప్రాప్తి కలుగుతాయి. నీలపతాకాలతో కూడిన తాలధ్వజం సమర్పిస్తే ఉత్తమలోకాలు కూడా ప్రాప్తిస్తాయి. ఆలయానికి మహాద్వార తోరణాలను ఇచ్చినవాడికి ఉత్తమలోకాల యొక్క వాకిళ్ళు తెరచి సిద్ధంగా ఉంటాయి. శయన మరియు ఆసనదాతకు వైకుంఠంలో శాశ్వత స్థితి ఫలం, ఉత్తరీయాన్ని సమర్పిస్తే సర్వకామ ఫలప్రాప్తి మరియు దేవాలయంలో శిల్పాలు, చిత్రాలు లాంటివి కావలసిన పదార్థాలను వాద్య పరికరాలను ప్రదానం చేసినవాడు దేవసేనలో స్థానాన్ని పొందుతాడని విష్ణు ధర్మోత్తర పురాణం కూడా పేర్కొంటోంది.
దేవుడిని ఆశ్రయించి ఉండేవాడికి ఏ కొద్దిపాటి ఇచ్చినా దైవానుగ్రహపాప్తికి కారణమవుతుంది. ఈ వరుసలోనే ధాన్యాలు, సశ్యాలు మరియు రసాలు, శాకాలు, ఇచ్చిన వారికి పుణ్యంతో పాటు శోకరహితస్థితి కలుగుతుంది. వంట పాత్రలను ప్రదానం చేసినా కూడా పుణ్యఫలమే. పుష్పవృక్ష మరియు తోటల ప్రదానం గ్రామాధిపత్యానికి, జలాశయ నిర్మాణం, లాంటివన్నీ భగవత్‌కృపను పొందటానికి కారణాలవుతాయని విష్ణుధర్మోత్తర పురాణం పేర్కొంటోంది.
దేవాలయం ఒక పవిత్ర స్థానం. భక్తులు అక్కడ మనశ్శాంతిని పొందేందుకు వీలుంటోంది. అంతటి ఉత్తమ వ్యవస్థకు ఎవరికి చేతనైనంతలోవారు సహకరిస్తే ఆ పవిత్ర ఉత్తమ వ్యవస్థ చిరకాలం నిలిచి ఉంటుందన్న లక్ష్యంతోనే ఇలా దేవాలయాలు దాన విశేషాలను పురాణాలు పేర్కొంటున్నాయన్నది అంతరార్థం.
కలియుగంలో దేవాలయ నిర్మాణమే ఇహా పర సౌఖ్యములను ఇచ్చే ఏకైక సాధనమని ఋగ్వేదం ఘోషిస్తున్నది.
అందులోనూ కులదైవ ఆలయం నిర్మాణం అత్యంత శ్రేష్టమైనది.
త్రిమూర్తిని స్వరూపమై వెలుగోందుతున్న ఆ జగజ్జనని మన వాసవి మాత దేవాలయం చందానగర్ లో కొనసాగుతున్నది.
మన *వాసవి కన్యకాపరమేశ్వరి మరియు నగరేశ్వర స్వామి దేవాలయ*
గర్భగుడి నిర్మాణం పూర్తి కావస్తుంది
*ముఖ మండపము నిర్మాణము జరగవలసి ఉన్నది దానికి కావలసిన సామాగ్రిని భక్తులు ధన కనక, వస్తు రూపేనా విరాళములు సమర్పించి దేవాలయ నిర్మాణంలో భాగస్వాములు కాగలరు.
అమ్మవారి కృపకు పాత్రులు కాగలరు.
దేవాలయ నిర్మాణానికి కావలసిన ఐరన్ గాని, సిమెంట్ గాని, ఇటుకలు ఇసుక ఇలా మీకు తోచిన విధంగా సహాయం చేయవచ్చు.
దీని కొరకు ఎవరైనా ముందుకు వచ్చి దేవాలయ నిర్మాణంలో పాలు పంచుకోగలరు.
వారిని వాసవి అమ్మవారు ఆయురారోగ్య ఐశ్వర్యాలతో… విద్యాబుద్ధులతో… భోగభాగ్యాలతో.. ఉండేటట్లు అనుగ్రహిస్తుంది*
Please send donation to….
Vasavi Kanyakaparameshwari and Nagareshwara Temple
IDFC BANK
Ac No
10089043356
Ifsc Code IDFB0080205
Google Pay Phone Pe 8978786173