వాసవి క్లబ్స్ ఇంటర్నేషనల్ గురించి తెలుసుకుందాం.

​

వాసవి క్లబ్స్ ఇంటర్నేషనల్ వారి ఉద్దేశ్యాలు మరియు లక్ష్యాలు

1) స్నేహము (Fellowship)
2) సేవ (Service)
3) నాయకత్వము (Leadership)

అలాగే మన సంస్థ ద్వారా 4 పథకాలు నిర్వహి స్తున్నారు అవి

1) కె సి జి ఎఫ్ ( కల్వకుంట్ల చంద్రసేన గుప్త ఫెల్లో షిప్)  

2) సెల్ఫ్ ఎంప్లాయిమెంట్ స్కీమ్

3) శ్రేయోభిలాషి పథకం

4) వాసవి కుటుంబ సురక్ష పథకం (VKSP & SR. VKSP)

మన సంస్థ వాసవి క్లబ్స్ ఇంటర్నేషనల్ గురించి తెలుసుకుందాం!

​

మొట్ట మొదటి వాసవి క్లబ్  1 అక్టోబర్  1961 న హైదరబాద్ లో స్థాపించడం జరిగింది .

సంస్థ వ్యవస్థాపకులు కీర్తి శేషులు కల్వకుంట్ల చంద్రశేన గుప్త గారు (k.C.Gupta) .

అంతర్జాతీయ వాసవి క్లబ్ (Vasavi Clubs International) 23 డిసెంబరు 2008 న రిజిస్ట్రేషన్ చేయబడినది .

రిజిస్ట్రేషన్ నంబరు 800/2008 .

11 మంది సభ్యులతో మొట్ట మొదటి వాసవి క్లబ్ ఏర్పాటు చేయడమైనది . ప్రస్తుతం ప్రపంచ వ్యాప్తంగా 1800 క్లబ్స్ లలో 93,000 వేల మంది సభ్యులు ఉన్నారు .

కె సి జి ఎఫ్ –  కె సి గుప్తా ఫెలోషిప్ –  వాసవి సరస్వతి పథకం

​

వాసవి క్లబ్ వ్యవస్థాపకులు కల్వకుంట్ల చంద్రశేన గుప్త (కె. సి. గుప్త) గారి పేరున  “కార్పస్ ఫండ్” (నిధుల సేకరణ) సేకరించవలెనని 1995 లో KCGF ను ప్రవేశపెట్టడం జరిగింది . VCI లో అత్యున్నతమైన గౌరవ ప్రదమైన గుర్తింపును వ్యక్తిగతంగా ఇచ్చుచున్నది .

వాసవి ఉద్యమంలో కె. సి. గుప్త ఫెలోషిప్ ఒక ముఖ్యమైన గుర్తింపునిచ్చే KCGF గా ప్రఖ్యాతిగాంచింది . ఎవరైనా ఆర్యవైశ్యులు 2500/- చెల్లించి భాగస్వామి అయినచో KCGF  దాతగా , అత్యధికమైన గుర్తింపును పొందెదరు .

ఈ నిధి ని డిపాజిట్ చేసి దానిపై వచ్చే వడ్డీ ని ప్రకృతి విపత్తులు  మరియు వాసవి సరస్వతి పథకం ద్వారా పేద విద్యార్థులకు విద్యా సహాయము చేసెదరు .

గుడ్ స్టాండింగ్ క్లబ్స్ కు 5000/- రూపాయలు నిరుపేద విద్యార్థులకు సహాయము చేయు నిమిత్తము ఇచ్చెదరు .

2500/- రూపాయలు ఇచ్చిన దాతకు పిన్ మరియు షీల్డ్ ఇచ్చెదరు . ఈ షీల్డ్ పై వాసవి క్లబ్ మోనోగ్రామ్ , కె .సి. గుప్త గారి ఫోటో మరియు దాతపేరు చెక్కబడి వుండును.

సెల్ఫ్  ఎంప్లాయిమెంట్ స్కీమ్

​

వాసవి క్లబ్స్ ఇంటర్నేషనల్ వారు వైశ్యులలో ఆర్థికంగా వెనుబడిన వారిని ఆదుకోవాలనే ఉద్దేశంతో జీ ఎమ్ ఆర్ , గ్రంధి సుబ్బారావు , వరలక్ష్మి ఫౌండేషన్ తదితరుల నుంచి నిధులు సేకరించి ఒక్కొక్కరికి 25000/- రూపాయలు వడ్డీ లేని రుణం (పేద వైశ్యులకు) మంజూరు చేసి తిరిగి నెలకు 2500/- చొప్పున 10 నెలలలో వసూలు చేసి మరలా కొత్త వారికి రుణం మంజూరు చేయడం ఈ పథకం యొక్క ముఖ్య ఉద్దేశ్యం .

శ్రేయోభిలాషి పథకం

​

ఒకప్పుడు జి యమ్ ఆర్ లాంటి వారు వైశ్యులలో ఆర్ధికంగా వెనుకబడిన వారికి వడ్డీ లేని రుణాలను అందచేసే  ఉద్దేశంతో మన సంస్థ లో ఒక నిధిని ఏర్పాటు చేశారు. ఆర్ధికంగా వెనుకబడిన వైశ్యులకు ఎవరికైనా  రుణం కావాలంటే ఒక్కొక్కరికి 25000/- వడ్డీ లేని రుణాలను మంజూరు చేస్తారు . అలా తీసుకున్న రుణం తిరిగి నెలకు 2500/- చొప్పున 10 నెలలలో చెల్లించవలసి ఉంటుంది. అయితే 2019 లో అప్పటి ఇంటర్నేషనల్ ప్రెసిడెంట్ వాసవియన్ వేముల హజరతయ్య గారు ఒక చక్కటి ఆలోచన చేశారు . ఎవరైతే 20000/- రూపాయలు ఆర్ధికంగా వెనుకబడిన వారిని ఆడుకోవడం కొరకు విరాళంగా ఇస్తారో వారి పేరుతో మరియు వారు చెప్పిన వారికి రుణాన్ని అండచేయటం జరుగుతుంది . ఇలా ఒకరికి అందచేసిన రుణం తిరిగి వసూలుచేసి మరొకరికి ఇవ్వడం జరుగుతుంది .