శరణము శ్రీనివాస (Venkateswara swamy)
శరణము శ్రీనివాస శరణము తిరుమలేశ,
శరణము గోవింద శరణు శ్రీ ముకుందా..
దాల్చితివి దశావతారములు మున్ను,
బ్రోచితివి నీ భక్తుల నెందరినో,
ఈ కలియుగాన పాపము హరింప జేయ,
ఈ కొండలపై వెలసినావు కొండల రాయుడై…
నిను నమ్మిన చాలు ఇక్కట్లు పోగొట్టుదువు,
నీకు మొక్కిన చాలు కోర్కెలు తీర్చుదువు
నిను నియమముగా కొలిచిన వరములు కురిపింతువు,
నిను మనమున తలచిన చాలు స్థిరమును కూర్చుదువు…